السلام عليكم ورحمة الله وبركاته
أخش في الموضوع على طول
سافرت بالسيارة تقريبا 3000كم في نهاية الإسبوع الماضي
والنتائج كما يلي/
يمكن بعضكم قرأ موضوعي عن التفتفه في السيارة
http://www.assayyarat.com/forums/sho...%DF%D1% CC%ED
المهم قلت يا ولد مالك إلا إنك تسافر بالسيارة وهي على حالتها (با يعها) يمكن يروح إللي فيها
وسافرت وإللي صار
1- يكون عزمها ضعيف مرة وفجأه يصير قوي وتصير خفيفة وتقطع وترجع وإذا ثبتت على سرعة معينه تصير كويسه
2- وصلت أبها (شباب الجوا هناك راااائع) وقلت في بالي ليش ما تنزل من العقبه وتجرب سيارتك
وأنا نازل زي الحلاوة ولا واحد لحقني
ريحت شوي وأديور (يو تيرن) وأحط السيارة في الD وأدعس الله لا يوريكم السيارة كأن فيها جني
تتفتف تتفتف وتقطع لكن تمشي وأحس فيها عزم لكن فيه شي ماسكها
والناس تتجاوزني وإللي يضحك وإللي يأشر وإللي تحس إنه يتتريق علي وإللي شفقان
وأصير آخر واحد وأصحاب الجيوب شوي ويدفوني
وأنا
وفجأة كأن فيه برق جا في السيارة وتنطلق حتى إنها تفحط وشوي لو إني أول واحد
وأطالع في الناس ما أحد قدي وإذا واحد حشرني في الطلوع أعيد من أول (يتجاوزوني كلهم وبعدين يشبك البرق وتنطلق) مدري وش فيها
أرجو إنكم تساعدوني على هذه السيارة
3- والغريب والعجيب إنها مع التفتفه مدري التقطيع ما تصرف بنزين نهائيا بالعكس صارت أوفر من أول (كنت أفللها وأمشي على التانكي تقريبا 550-600 كم وألحين 700كم بالراحه
وباقي اللمبه ما إشتغلت) وش المشكله يا شباب أول مره في حياتي أشوف سيارة تتفتف وتقطع وعزمها يقل وما تصرف بنزين
4- فيه رجه كل 4 ثواني تجي في الدركسون وكل السيارة وتروح
5- والغريب أيضا عند نقاط التفتيش بعد ما أعديها كأنها تسحب نقطة التفتيش وراها وأصحاب السيارات يجوك داعسين وإللي يطالع ويقول في باله سحبت على لكزس
والأدهى والأمر إن بعضهم يشغل إشارة التحدي
وفجأة يروح الجني ويشبك البرق وما يمسك راسي غير تكاية الرأس أحس إني أبقلع ما شاء الله وأبو تحدي ما هو مصدق
وفوق ال160 ما تقول شي عادي (يبقى البرق شابك) لكن الرجه تروح وتجي
وش رايكم في هذي السيارة
وش المشكله أنا عجزت مع هذي السيارة
نوعها لكزس جي إس 300
مديل 96م
(فلتر هوا -صفاية-بواجي- أسلاك بواجي- تنظيف بخاخات - شاكوش - غطاء ديلكو - .....) كلها غيرتها