حركات بعض البنات و الشباب عند اشارة المروور^^ الحق ما تلحق

[center]السلام عليكم ورحمة الله وبركاته
وش يسوون البنات اذا وقفت السياره عند إشارة المرور ! :::

النوع الأول
تحط الجوال على اذنها >>>> يعني شوفوني أكلم وجوالي كشخه
وجوالها أصلاً مفصول ابوها ماسدد والا المكافأه تأخرت
والا لابسه نظاره مغطيه نص وجهها

النوع الثاني
تلقاها حاطه يدها على خدها
ياتكون طفشانه ودها هي اللي تسوق
والا بس تبي تعلم الشباب انها بيضا ونعومه

النوع الثالث
تلقاها ماغير تقز في العالم
شوي وتدخل معك في السياره
واذا حطيت عينك في عينها عطتك نظره يحبها قلبك <<< عاد الشباب يموتون في هاي الشغلات
النوع الرابع
تلقاها تقرب من زوجها شوي وتلصق فيه
والا ماسكتن يده حتى اذا جا بيعشق السياره يبتلش فيها
هذي تسمع بالرومانسيه بس غشيمه

النوع الخامس
ونسميها المطيورة
شوي تلقاها تسوي الغطوه
شوي تلقاها تعدل جلستها وتتحرك كن قارصها عقرب
أو تحتها دبوس
وهذي أقرب الظن انها صغيره وتوها تتغطى ولا مرجوجه شوي

النوع السادس
النوع البريء ... تحس انها تطالع فيك
وهي والله ماجابت خبرك
ولو تأشرلها من الحين لبكرا مادرت عنك

النوع السابع
المضحوك عليها ومصدقه نفسها مزيونه
وفي يدها علبة مكياج وتتمنظر في صلعة السواق

النوع الثامن
النوع المسترجل 00 دايم مطلعه يدها مع القزاز
وتطالع فيك كأنها تعرفك والا ودها تاخذ لك صورة تذكاريه

النوع التاسع
عبيطه ورافعه صوت المسجل وتهز راسها مندمجه مع الأغنيه
ولو الوضع يسمح كان تقوم وتهز في الشارع

النوع العاشر
تلقاها منكفته وماتشوف الا طرف رويسها
ومشغوله في حاجه تحت عند رجلينها
والظاهر انها تفتش فالأغراض والا تقشر بصل تستغل وقت الفراغ



بنات لا تزعلن ترا سوااااااااااااااالف هاا ^^

حتى فضايح الشبااب يبتااهاا لكم ^^وهذا وش يسوون الشباب اذا وقف السياره عند إشارة المرور ! :::


النوع الاول :

وهو الي يستغل وقته ويرتب سيارته ويفتح دروج سيارته

ويعفط في هالفواتير ويرميها في الشارع وفجاءه ماتدري

الاوهو ناقز في المرتبه الي ورا يرتبها ولا تستغرب اذا شفته

ناط في شنطه السياره (الرجال مرتب)وتنفتح الاشاره والاخ مشغول في التنظيف



النوع الثاني :

وهوالي تقول توه يكتشف ان وجهه محتاج تنظيف

ويسحب في المنديل وعلى خشمه(هذا اذا عنده منديل

بعضهم يقعد يفر بيده في خشمه ماعنده وقت اعذروووه )

واذا خلص طفى السياره علشان ينظف اذنه بالمفتاح (قصده شريف)

وشوي ويقص اظافريده وماتدري الاوهو مرفع رجله يقصها

هذا اذا كان معاه مقص اظافر واذا ماكن موجود فالحل موجود

طبعا يقص اظافره بواسطه اسنانه (قمه النظافه)ولا تستغرب

اذا شفته مطلع راسه ويغسله بالشامبو



النوع الثالث :

وهو اكثر واحد يفرح اذا وقف عند الاشاره علشان يبداء

يستعرض ويرقص ويردح هو واخوياه ويرقصون السياره معهم .

ههههههههههههههههههههههههههههههههه



النوع الرابع :

وهو عكس الي قبله وهوالي يشغل شريط بدوي

وانواع التغلق والحزن وطبعا الاغنيه من كثر ماهي قديمه تشك انه

مغنيها قبل توحيد الامارات ويكون وجهه مورم من الصياح



النوع الخامس :

وهو الي تقول توه مكتشف انه ابو وماتسمع غير هواشه وسبه

على اولاده الي مالين سيارته وماتدري الا وهو ساحب العقال

ومخرب التشخيصه(يستعمل اساليب التربيه الحديثه)ويرجمهم

بكرتون المناديل الي ماليه السياره والفضل يعود للمحطه البنزين

لو تمر جنبهم عطوك منديل هديه


النوع السادس :

وهو الي يستغل الوقت ويجلس يشخص ويرش عطر وشوي

ومعلق الايرفون في اذنه ومشغل شريط (سيلين ديون)

مسوي جو اجنبي وانواع القز في السيارات الي جنبه




النوع السابع :

وهو الي اذا شفته ترحمه وتقول ميت من الجوع وتشك انه جالس

في مطعم مو في سياره الرجال ماسك الهمبرجر بيد والببسي و

البطاطس بيد والشورما في حضنه والفطاير جنبه والبيتزا في المرتبه

الي وراه ولا تستغرب لو شفته داب في مفطح

هاه شرايكم


والسمووحه منكم امانه عليكم محد يزعل

تحيااتي

هههههههه



يسيلمو عـ الطرح

تسلم على المرور

يسلمووووووووو