السلام عليكم ورحمة الله وبركاته
كتبت هذي القصيده في شباب اليوم وانا ما اعم اخص مجموعه منهم
وارجوا السموحه
شباب اليوم
زمان جدي قال احذر من الايام
من رفع راسه دوم لازم ينزله فيوم
لاتغرك الدنيا تراه ماشي دام
غير وجه الله مافيه شي يدوم
لاتتبع الشيطان واتغرك الايام
احذر من الايام وارضا بكل مقسوم
وارضا بحكم الله فيه العداله وسام
اسمع كلامي زين وحطه فبالك دوم
شباب ذاك اليوم صلى وصام وقام
شباب صانوا العهد نفخر بهم ذا اليوم
جدي رحمه الله حفر فصدري وشام
صحيح جدي راح اذكر كلامه اليوم
دار الزمان وجار واتبدلت لايام
زمان ولى وراح ايام غير اليوم
صاروا الشباب اليوم خيل(ن) بليا اخطام
شباب هذا اليوم اعلومهم اعلوم
طول النهار فنوم ولاجن ليله قام
عايش حياته هم اهموم فوق اهموم
شباب هذا اليوم كشخه ومنظر عام
الشوفه ولد اشيوخ اتحسبه محشوم
والا الحقيقه غير مديون عشر اعوام
لاتغرك الضحكات في داخله مهموم
شباب هذا اليوم ماركه وموظه وخام
كل يوم له استايل وماشي به ملزوم
شباب هذا اليوم ترى فالسناتر هام
مشغل بلوتوث ترقيم دايم دوم
شباب هذا اليوم باخر مياعه قام
اتشبهو بالبنت صاروا الشباب انعوم
شباب هذا اليوم لاصلى ولاصام
منصاع للشيطان تابع معاه القوم
تابع هوى ابليس وغره حلو لايام
يالله يالرحمن احفظ شباب اليوم
وسلامتكم
الأحد مارس 23, 2008 6:17 pm
